mere allaah mujhe aise khayaalon se navaaz — Lucky Farooqi Hasrat

dayaar-e-mir-taqi-'mir' ko salaam karo
yahaan khudaa-e-sukhan gaah gaah baiThte hain

gulshan se koi phuul mayassar na jab huaa
titli ne raakhi baandh di kaanTe ki nok par

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maango samundaron se na saahil ki bhiik tum
haan fikr o fan ke vaaste gahraai maang lo

gulaabon ke honTon pe lab rakh rahaa huun
use der tak sochnaa chaahtaa huun

jab bhi aql banaati hai pahlaa misraa
dil ko misra-e-saani honaa paDtaa hai

shaagird-e-rashid aap saa huun shaikh-ji saahib
kuchh ilm o amal tum ne na shaitaan mein chhoDaa