raat be-sudh ho ke soegi yahaan — Manoj Azhar

yuun chaar din ki bahaaron ke qarz utaare gae
tumhaare baa'd ke mausam faqat guzaare gae

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

main tire jism ke jab paar nikal jaaungaa
vasl ki raat baDi ghaur-talab hogi vo

ye zindagi ki raat hai taarik kis qadar
donon siron pe shama jalaao nashe mein aao

baad taklif ke raahat hai yaqini 'vaahid'
raat kaa aanaa hi paighaam-e-sahar hotaa hai