hamaare dil pe jo zakhmon kaa baab likkhaa hai — Manzar Bhopali

ik makaan aur bulandi pe banaane na diyaa
ham ko parvaaz kaa mauqaa hi havaa ne na diyaa

aankh bhar aai kisi se jo mulaaqaat hui
khushk mausam thaa magar TuuT ke barsaat hui

aap hi ki hai adaalat aap hi munsif bhi hain
ye to kahiye aap ke aib-o-hunar dekhegaa kaun

baap bojh Dhotaa thaa kyaa jahez de paataa
is liye vo shahzaadi aaj tak kunvaari hai

kah do 'mir'-o-'ghaalib' se ham bhi sher kahte hain
vo sadi tumhaari thi ye sadi hamaari hai

unhin pe saare masaaib kaa bojh rakkhaa hai
jo tere shahr mein imaan le ke aae hain

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil mein chaahat hai jo us saanvli matvaali ki
go musalmaan huun bol uThtaa huun jai kaali ki

ab bhi kuchh dil mein raunat ki jhalak baaqi hai
yaa-khudaa phir kisi bad-khu se mohabbat ho jaae

ai mohtasib namaaz-e-mohabbat kaa vaqt hai
dil baa-vuzu hai aur ghazal keh rahaa huun main

utaaraa dil ke varaq par to kitnaa pachhtaayaa
vo intisaab jo pahle bas ik kitaab pe thaa