sivaae khaak ke baaqi asar nishaan se na the — Meer Anees

'anis' dam kaa bharosaa nahin Thahar jaao
charaagh le ke kahaan saamne havaa ke chale

aashiq ko dekhte hain dupaTTe ko taan kar
dete hain ham ko sharbat-e-didaar chhaan kar

tamaam umr jo ki ham se be-rukhi sab ne
kafan mein ham bhi azizon se munh chhupaa ke chale

'anis' aasaan nahin aabaad karnaa ghar mohabbat kaa
ye un kaa kaam hai jo zindagi barbaad karte hain

ashk-e-gham dida-e-pur-nam se sambhaale na gae
ye vo bachche hain jo maan baap se paale na gae

khaak se hai khaak ko ulfat taDaptaa huun 'anis'
karbalaa ke vaaste main karbalaa mere liye

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

pyaaso raho na dasht mein baarish ke muntazir
maaro zamin pe paanv ki paani nikal paDe