aayaa payaam-e-vasl yakaayak jo yaar kaa — Mirza Maseeta Beg Muntahi

khud rahm kijiye dil-e-ummid-vaar par
aaphi nikaaliye koi surat nibaah ki

tere baazaar-e-dahr mein gardun
ham bhi aae hain ik qabaa ke liye

jalaa kar zaahidon ko mai-kashon ko shaad karte hain
giraa kar masjidon ko mai-kade aabaad karte hain

piiri hui shabaab se utraa jhaTak gayaa
shaaer huun meraa misra-e-saani laTak gayaa

baad marne ke Thikaane lag gai miTTi miri
khaak se aashiq ki kyaa kyaa yaar ke saaghar bane

tohmat-e-jurm-o-khataa hirs-o-havaa ghaflat-e-dil
ham ne baazaar se hasti ke liyaa kyaa kyaa kuchh

jab ki pahlu se yaar uThtaa hai
dard be-ikhtiyaar uThtaa hai

sayyaargaan mein 'ajab iztiraab barpaa hai
vo ban-sanvar ke sar-e-baam aa rahe honge

jaane kitne Dubne vaale saahil par bhi Duub gae
pyaare! tufaanon mein rah kar itnaa bhi ghabraanaa kyaa

khud apni shai pe adhuraa hai ikhtiyaar mujhe
giraa to saktaa huun aansu uThaa nahin saktaa

chashm o rukhsaar ke azkaar ko jaari rakkho
pyaar ke naame ko doharaao ki kuchh raat kaTe

rahte the kabhi jin ke dil mein ham jaan se bhi pyaaron ki tarah
baiThe hain unhin ke kuche mein ham aaj gunahgaaron ki tarah