dekhaa jo main ne naama-e-aa'maal hashr mein — Mohammad Baqar Shams

dekhaa jo din ko us ne su-e-charkh-e-be-madaar
sonaa utar gayaa varaq-e-aaftaab kaa

kuchh na puchho daraazi-e-shab-e-hijr
kaT gai 'umr aur sahar na hui

qaabu mein rakkhe ablaq-e-lail-o-nahaar ko
dekhaa na main ne aisaa kisi shahsavaar ko

muskuraahaT lab-e-naazuk pe nigaahein nichi
kis se sikhaa hai ye andaaz dil-aaraai kaa

khaak ke zarron se uf uf ki sadaa aati hai
meraa afsaana-e-gham qissa-e-maazi na huaa

khauf-e-mahshar na rahaa dil mein jo dekhaa main ne
pusht par mere gunaahon ke hai rahmat us ki

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

ik dusre se khauf ki shiddat thi is qadar
kal raat apne-aap se main khud lipaT gayaa

din nikalte hi badan par habs ki yurish hui
raat-bhar sochon ke pathraav se sar jaltaa rahaa

tiraa didaar ho aankhein kisi bhi samt dekhein
so har chehre mein ab teri shabaahat chaahiye hai