ik dusre se khauf ki shiddat thi is qadar — Farhat Abbas

zalzalon ki numud se 'farhat'
mustaqar mustaqar nahin rahte

tum use le chalo lab-e-kausar
ai farishto ye karbalaai hai

donon laazim hain laa-zavaal bhi hain
ik tiraa husn ik miraa ye ishq

tere saanche mein Dhal gayaa aakhir
shahr saaraa badal gayaa aakhir

jise bhi dost banaayaa vo ban gayaa dushman
ye ham ne kaun si taqsir ki sazaa paai

baat ahl-e-junun ki kyaa samjhe
vo khirad jo kaDe ziyaan mein hai

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

parvaane ki shab ki shaam huun main
yaa roz ki shama ki sahar huun

gulshan ke kaarobaar mein bikti hai rangat is tarah
kis phuul mein khushbu hai kitni dekhtaa koi nahin