meri khvaahish hai ki ji bhar ke use dekh to luun — Mohammad Mustahsan Jami

rang badlaa huaa thaa phulon kaa
tum yaqinan udaas guzre the

bin dekhe bhi chain nahin hai 'mustahsan'
dekhun to saari binaai jaati hai

tiri lab-kushaai pe munhasir miri zindagaani hai dostaa
tiraa bolnaa bhi qubul hai tiri khaamushi bhi aziiz hai

lutf ki in pe koi khaas nazar hai ki nahin
apne maston ki koi khair-khabar hai ki nahin

sivaae is ke koi bhi masrufiyat nahin hai
main in dinon bas charaagh taqsim kar rahaa huun

ham talvaar uThaa nahin paae
ham aavaaz uThaa sakte the

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

saans lene mein dard hotaa hai
ab havaa zindagi ki raas nahin

in andheron se pare is shab-e-gham se aage
ik nai subh bhi hai shaam-e-alam se aage

nazar aati nahin saDkon pe laashein
amir-e-shahr andhaa ho gayaa hai