gharaz kufr se kuchh na diin se hai matlab — Mohammad Rafi Sauda

har sang mein sharaar hai tere zuhur kaa
muusaa nahin jo sair karun koh-e-tur kaa

jab yaar ne uThaa kar zulfon ke baal baandhe
tab main ne apne dil mein laakhon khayaal baandhe

fikr-e-maaash ishq-e-butaan yaad-e-raftagaan
is zindagi mein ab koi kyaa kyaa kiyaa kare

na kar 'saudaa' tu shikva ham se dil ki be-qaraari kaa
mohabbat kis ko deti hai miyaan aaraam duniyaa mein

saaqi gai bahaar rahi dil mein ye havas
tu minnaton se jaam de aur main kahun ki bas

ye to nahin kahtaa huun ki sach-much karo insaaf
jhuTi bhi tasalli ho to jiitaa hi rahun main

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe