khud ko barbaad kar ke dekhnaa thaa — Moid Rasheedi

itnaa aasaan nahin lafzon ko ghazal kar lenaa
shor ko sher banaane mein jigar lagtaa hai

vo chaahte hain ki har baat maan li jaae
aur ek main huun ki har baat kaaT detaa huun

ab eatibaar nahin meri jaan kisi kaa nahin
charaagh sab ke liye hai dhuaan kisi kaa nahin

havas ki dhuup mein phailaa hai shor-e-khalq-e-khudaa
sunaa kisi ne nahin bastiyon mein girya-e-khaak

bichhaDte vaqt kahnaa thaa bahut kuchh
main kyaa kahtaa judaa hone se pahle

jab bhi aql banaati hai pahlaa misraa
dil ko misra-e-saani honaa paDtaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

anaa kaa sirf mohabbat ilaaj hai 'aafaaq'
tu nok vaale musallas ko daaere mein milaa

ham ne ye maanaa ki paidaa ho gayaa khaaegaa kyaa
ghar mein daane hi na paaegaa to bhunvaaegaa kyaa

nashtar-e-'mir' hain tiri baatein
phuljhaDi-vuljhaDi nahin jaanaan

hashr tak be-gunahi naaz karegi mujh par
vo miraa teri nigaahon mein buraa ho jaanaa