chaara-e-dil sivaae sabr nahin — Momin Khan Momin

vo jo ham mein tum mein qaraar thaa tumhein yaad ho ki na yaad ho
vahi yaani vaada nibaah kaa tumhein yaad ho ki na yaad ho

kuchh qafas mein in dinon lagtaa hai ji
aashiyaan apnaa huaa barbaad kyaa

shab jo masjid mein jaa phanse 'momin'
raat kaaTi khudaa khudaa kar ke

tu kahaan jaaegi kuchh apnaa Thikaana kar le
ham to kal khvaab-e-adam mein shab-e-hijraan honge

na maanungaa nasihat par na suntaa main to kyaa kartaa
ki har har baat mein naaseh tumhaaraa naam letaa thaa

tum hamaare kisi tarah na hue
varna duniyaa mein kyaa nahin hotaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

tariq-e-dilbari kaafi nahin har-dil-azizi ko
saliqa banda-parvar chaahiye banda-navaazi kaa

aap aae ban paDi mere dil-e-naashaad ki
aap bigDe ban gai mere dil-e-naashaad par

sitam hai sitam kaaba-e-dil kaa Dhaanaa
ye kyaa kar rahe ho ye kyaa ho rahaa hai

sar-bulandi ko yahaan dil ne na chaahaa munim
varna ye khema-e-aflaak puraanaa kyaa thaa