kah rahe hain vo banaa kar zulf ko — Muneer Ahmad Jami

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

kabhi na husn-o-mohabbat mein ban saki 'vaahid'
vo apne naaz mein ham apne baankpan mein rahe

meri divaangi-e-ishq hai ik dars-e-jahaan
mere girne se bahut log sambhal jaate hain

ulfat ne tiri ham ko to rakkhaa na kahin kaa
dariyaa kaa na jangal kaa samaa kaa na zamin kaa

khat-e-shikasta mein kyaa jaane kab kashid aa jaae
ki saans rok ke kariyo miyaan kitaabat-e-‘ishq