ye vaqt kaifiyaat se bhartaa nahin kabhi — Muneer Jafri

Tiis uTThi thi kahin zer-e-zamin aur idhar
shahr kaa shahr makaanon se nikal aaya thaa

dil par pahan liyaa hai vo gajre ke jaisaa shakhs
lekin gale kaa haar nahin kar rahaa huun main

ye chal-chalaav main ne diyaa hai use 'munir'
duniyaa pe inhisaar nahin kar rahaa huun main

aavaaz ko ghubaar nahin kar rahaa huun main
maahaul daagh-daar nahin kar rahaa huun main

dariyaa se to muaahida tai paa gayaa magar
kashti kaa eatibaar nahin kar rahaa huun main

mujh ko faqat shajar ki numu se hai vaasta
sahraa ko saaya-daar nahin kar rahaa huun

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

jab ki pahlu se yaar uThtaa hai
dard be-ikhtiyaar uThtaa hai

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh