liye phiraa jo mujhe dar-ba-dar zamaane mein — Muneer Niyazi

ik tez raad jaisi sadaa har makaan mein
logon ko un ke ghar mein Daraa denaa chaahiye

sukhan mein sahl nahin jaan nikaal kar rakhnaa
ye zindagi hai hamaari sambhaal kar rakhnaa

shaayad ki khudaa mein aur mujh mein
ik jast kaa aur faasla hai

tum ham-safar hue to hui zindagi aziiz
mujh mein to zindagi kaa koi hausla na thaa

jis ko milnaa nahin phir us se mohabbat kaisi
sochtaa jaaun magar dil mein basaae jaaun

laai hai ab uDaa ke gae mausamon ki baas
barkhaa ki rut kaa qahr hai aur ham hain dosto

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

bikherte raho sahraa mein biij ulfat ke
ki biij hi to ubhar kar shajar banaate hain

ishq mein kyaa nuqsaan nafa hai ham ko kyaa samjhaate ho
ham ne saari umr hi yaaro dil kaa kaarobaar kiyaa

jaan khapaate hain gham-e-ishq mein khush khush 'aali'
kaisi lazzat kaa ye aazaar banaayaa huaa hai

vatan ki sar-zamin se ishq-o-ulfat ham bhi rakhte hain
khaTakti jo rahe dil mein vo hasrat ham bhi rakhte hain