kyaa maza parda-e-vahdat mein hai khultaa nahin haal — Muneer Shikohabadi

be-ilm shaairon kaa gila kyaa hai ai 'munir'
hai ahl-e-ilm ko tiraa tarz-e-bayaan pasand

sunti hai roz naghma-e-zanjir-e-aashiqaan
vo zulf bhi hai silsila-e-ahl-e-chisht mein

jis roz main gintaa huun tire aane ki ghaDiyaan
suraj ko banaa deti hai sone ki ghaDi baat

haath milvaate ho tarsaae gilauri ke liye
kaf-e-afsos na mal jaae kahin paanv mein

jab kabhi maski kaTori kyaa sadaa paidaa hui
karti hai angiyaa ki chiDiyaa chahchahaane ki havas

khuub taazir-e-gunaah-e-ishq hai
naqd-e-jaan lenaa yahaan jurmaana hai

khalq be-parvaa khudaa bandon se tang aayaa huaa
main akelaa phir rahaa huun hashr ke maidaan mein

dasht ki naa-tamaam raahon par
koi saathi hai to shajar tanhaa

go mujhe ehsaas-e-tanhaai rahaa shiddat ke saath
kaaT di aadhi sadi ek ajnabi aurat ke saath

tum se mile to khud se ziyaada
tum ko akelaa paayaa ham ne

dariyaa ki vusaton se use naapte nahin
tanhaai kitni gahri hai ik jaam bhar ke dekh

so jaati hai basti to makaan pichhli gali mein
tanhaa khaDaa rahtaa hai makinon se nikal kar