main khud ko saamne tere biThaa kar — Naeem Zarrar Ahmad

ishq vo chaar su safar hai jahaan
koi bhi raasta nahin ruktaa

— Naeem Zarrar Ahmad

maan TuuTe to phir nahin juDtaa
bad-gumaani kabhi na aa ke gai

— Naeem Zarrar Ahmad

ishq tu bhi zaraa Tikaa le kamar
dil bhi ab so gayaa hai raat gae

— Naeem Zarrar Ahmad

main vo mahrum-e-inaayat huun ki jis ne tujh se
milnaa chaahaa to bichhaDne ki vabaa phuuT paDi

— Naeem Zarrar Ahmad

jitni aankhein thiin saari meri thiin
jitne manzar the sab tumhaare the

— Naeem Zarrar Ahmad

yaa husn hai naa-vaaqif-e-pindaar-e-mohabbat
yaa ishq hi aasaani-e-atvaar mein gum hai

— Naeem Zarrar Ahmad

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

apni anaa ki aaj bhi taskin ham ne ki
ji bhar ke us ke husn ki tauhin ham ne ki

— Iqbal Sajid

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

— Shams Deobandi

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

ghurur bhi jo karun main to aajizi ho jaae
khudi mein lutf vo aae ki be-khudi ho jaae

— Riyaz Khairabadi

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha