yaa husn hai naa-vaaqif-e-pindaar-e-mohabbat — Naeem Zarrar Ahmad

ishq vo chaar su safar hai jahaan
koi bhi raasta nahin ruktaa

maan TuuTe to phir nahin juDtaa
bad-gumaani kabhi na aa ke gai

ishq tu bhi zaraa Tikaa le kamar
dil bhi ab so gayaa hai raat gae

main vo mahrum-e-inaayat huun ki jis ne tujh se
milnaa chaahaa to bichhaDne ki vabaa phuuT paDi

jitni aankhein thiin saari meri thiin
jitne manzar the sab tumhaare the

main khud ko saamne tere biThaa kar
khud apne se gila kartaa rahaa huun

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

sabhi se jab mohabbat chaahte ho
mohabbat kyon nahin karte sabhi se

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa