tah-ba-tah khulti hi rahti hai sadaa — Obaid Haris

apnaa sach us ko sunaane ke liye
ham ko qisson kaa havaala chaahiye

vaqt badlaa soch badli baat badli
ham se bachche kah rahe hain ham nae hain

nayaa chaar din mein puraanaa huaa
yahi sab huaa to nayaa kyaa huaa

khaali divaar buri lagti hai
meri tasvir hi rahne dete

ham kitaabon mein jise paate hain 'haaris'
aadmi vaisaa koi miltaa kahaan hai

sadaaein Dubti hain jab
khamoshi muskuraati hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

yuun to vujud hai miraa duniyaa ki bhiiD se
tanhaa nahin hai mujh saa magar kaaenaat mein

ahl-e-gham tum ko mubaarak ho fanaa-aamaadgi
lekin isaar-e-mohabbat jaan de denaa nahin

bahlaa na dil na tirgi-e-shaam-e-gham gai
ye jaantaa to aag lagaataa na ghar ko main