baat vo koi puraani chheDte — Parveen Shaghaf

zindagi khel bahut khuub hain tere lekin
dil ko kuchh der nayaa khvaab dikhaayaa jaae

shab bhar vo meri baahon se lipTaa rahaa magar
us vasl ke vo mujh se doshaale bhi le gayaa

teri takmil ki khaatir hi faqat aaine
khud ko tayyaar kiyaa jaae zaruri to nahin

main to nam ret ki murat ki tarah huun lekin
baa'd is ke mujhe patthar kaa khudaa honaa hai

chashm-e-aahu ki qasam rone se dukhtaa hai dil
teri palkon pe main har shaam suhaani likh duun

sab dekhte rahe hain tamaashaa khaDe khaDe
hans kar badan ki khaak uDaati rahi huun main

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maarka garm to ho lene do khun-rezi kaa
pahle shamshir ke niche hamin jaa baiTheinge

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

gul kiyaa jis ne vo thaa aur magar
shama ne shikva havaaon se kiyaa

muTThi se phisle hi jaate hain har phal
vasl ke lamhe taar-e-resham hote hain

palkon pe jugnuon kaa baseraa hai vaqt-e-shaam
'anjum' main paaniyon mein chamak chhoD kar gayaa