jasaarat ke rahte bhi khaamosh honaa — Pawan Kumar

kaleja rah gayaa us vaqt phaT kar
kahaa jab alvidaa us ne palaT kar

main baDaa ho gayaa huun magar bachpanaa
mere dil se kabhi bhi gayaa hi nahin

tere baare mein agar khaamosh huun main aaj tak
phir tire haq mein kisi kaa faisla kaise huaa

milte ho to ab tum bhi bahut rahte ho khaamosh
kyaa tum ko bhi ab meri khabar hone lagi hai

jaa paDe chup ho ke jab shahr-e-khamoshaan mein 'nazir'
ye ghazal ye rekhta ye sher-khvaani phir kahaan

khamoshi se adaa ho rasm-e-duri
koi hangaama barpaa kyuun karein ham

'kaif' paidaa kar samundar ki tarah
vusatein khaamoshiyaan gahraaiyaan