khamoshi se adaa ho rasm-e-duri — Jaun Elia

bin tumhaare kabhi nahin aai
kyaa miri niind bhi tumhaari hai

ek qattaala chaahiye ham ko
ham ye ealaan-e-aam kar rahe hain

chaand ne taan li hai chaadar-e-abr
ab vo kapDe badal rahi hogi

ham ajab hain ki us ki baahon mein
shikva-e-naarasaai karte hain

us ke honThon pe rakh ke honTh apne
baat hi ham tamaam kar rahe hain

dil ki taklif kam nahin karte
ab koi shikva ham nahin karte

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

tum kyuun shab-e-judaai parde mein chhup gae ho
qismat ke aur taare sab aasmaan par hain

judaaiyon ke zakhm dard-e-zindagi ne bhar diye
tujhe bhi niind aa gai mujhe bhi sabr aa gayaa

is shahr-e-be-charaagh mein jaaegi tu kahaan
aa ai shab-e-firaaq tujhe ghar hi le chalein

charaagh le ke phiraa DhunDhtaa huaa ghar ghar
shab-e-firaaq jo mujh ko rahi sahar ki talaash

ye to ik rasm-e-jahaan hai jo adaa hoti hai
varna suraj ki kahaan saalgirah hoti hai