shaam hui to suraj soche — Prem Bhandari

khel-kud kar shaam Dhale kyuun
apne ghar ko jaati dhuup

aag lagaai tum ne hi to
logon ne to sirf havaa di

jaane kyuun log miraa naam paDhaa karte hain
main ne chehre pe tire yuun to likhaa kuchh bhi nahin

chhupi hai an-ginat chingaariyaan lafzon ke daaman mein
zaraa paDhnaa ghazal ki ye kitaab aahista aahista

teri chaahat ki hai itni shiddat
paa liyaa tujh ko to mar jaaungaa

saari saari raat main jaagaa
vo meri aankhon mein soyaa

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

us ke rukhsaar pe hai aur tire honT pe til
tilmilaane ki ijaazat nahin di jaaegi

jab bhi ye sochne lagtaa huun ki kaun apnaa hai
zehn mein aa ke kai naam nikal jaate hain

vo ajab ghaDi thi main jis ghaDi liyaa dars nuskha-e-ishq kaa
ki kitaab aql ki taaq par juun dhari thi tyuun hi dhari rahi

tere bin hayaat ki soch bhi gunaah thi
ham qarib-e-jaan tiraa hisaar dekhte rahe