teri chaahat ki hai itni shiddat — Prem Bhandari

khel-kud kar shaam Dhale kyuun
apne ghar ko jaati dhuup

aag lagaai tum ne hi to
logon ne to sirf havaa di

jaane kyuun log miraa naam paDhaa karte hain
main ne chehre pe tire yuun to likhaa kuchh bhi nahin

chhupi hai an-ginat chingaariyaan lafzon ke daaman mein
zaraa paDhnaa ghazal ki ye kitaab aahista aahista

shaam hui to suraj soche
saaraa din bekaar jale the

saari saari raat main jaagaa
vo meri aankhon mein soyaa

sabhi se jab mohabbat chaahte ho
mohabbat kyon nahin karte sabhi se

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

tum chitaa in ki jalaao na karo dafn inhein
pyaar ke khat hain ye hindu yaa musalmaan nahin

vo mere raaz mujh mein chaahtaa hai munkashif karnaa
mujhe mere ghane saae mein tanhaa chhoD jaataa hai

phunkaa hai kis ne gosh-e-mohabbat mein ai khudaa
afsun-e-intizaar tamannaa kahein jise

darakhton par parinde lauT aanaa chaahte hain
khizaan-rut kaa guzar jaanaa zaruri ho gayaa hai