uf vo marmar se tarāshā huā shaffāf badan — Qateel Shifai

kis tarah apnī mohabbat kī maiñ takmīl karūñ
ġham-e-hastī bhī to shāmil hai ġham-e-yār ke saath

maanā jīvan meñ aurat ik baar mohabbat kartī hai
lekin mujh ko ye to batā de kyā tū aurat zaat nahīñ

subūt-e-ishq kī ye bhī to ek sūrat hai
ki jis se pyaar kareñ us pe tohmateñ bhī dhareñ

gungunātī huī aatī haiñ falak se būñdeñ
koī badlī tirī pāzeb se Takrā.ī hai

raqs karne kā milā hukm jo dariyāoñ meñ
ham ne ḳhush ho ke bhañvar bāñdh liyā paañv meñ

rahegā saath tirā pyaar zindagī ban kar
ye aur baat mirī zindagī vafā na kare