chand benaam-o-nishaan qabron kaa — Rais Amrohvi

khaamosh zindagi jo basar kar rahe hain ham
gahre samundaron mein safar kar rahe hain ham

ham apni zindagi to basar kar chuke 'rais'
ye kis ki ziist hai jo basar kar rahe hain ham

kis ne dekhe hain tiri ruuh ke riste hue zakhm
kaun utraa hai tire qalb ki gahraai mein

pahle ye shukr ki ham hadd-e-adab se na baDhe
ab ye shikva ki sharaafat ne kahin kaa na rakhaa

abhi se shikva-e-past-o-buland ham-safro
abhi to raah bahut saaf hai abhi kyaa hai

ham apne haal-e-pareshaan pe baarhaa roe
aur us ke baa'd hansi ham ko baarhaa aai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kar na jurat tu ai tabib ki ye
dil kaa dhaDkaa hai ikhtilaaj nahin

ye vasl ki rut hai ki judaai kaa hai mausam
ye gulshan-e-dil hai ki bayaabaan kahin kaa

ham mein baaqi nahin ab khaalid-e-jaan-baaz kaa rang
dil pe ghaalib hai faqat hafiz-e-shiraaz kaa rang

dil ko apne kyaa kisi kaa ghar kahun
aaj khalvat-khaana kal baazaar hai