sirf taarikh ki raftaar badal jaaegi — Rais Amrohvi

aadmi ki talaash mein hai khudaa
aadmi ko khudaa nahin miltaa

apne ko talaash kar rahaa huun
apni hi talab se Dar rahaa huun

ham apne haal-e-pareshaan pe baarhaa roe
aur us ke baa'd hansi ham ko baarhaa aai

khaamosh zindagi jo basar kar rahe hain ham
gahre samundaron mein safar kar rahe hain ham

ham apni zindagi to basar kar chuke 'rais'
ye kis ki ziist hai jo basar kar rahe hain ham

sadiyon tak ehtimaam-e-shab-e-hijr mein rahe
sadiyon se intizaar-e-sahar kar rahe hain ham

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

chalo ki ham bhi zamaane ke saath chalte hain
nahin badaltaa zamaana to ham badalte hain

dil mein na ho jurat to mohabbat nahin milti
khairaat mein itni baDi daulat nahin milti

log kahte hain dil lagaanaa jise
rog vo bhi lagaa ke dekh liyaa

gumaan na thaa ki lifaafe mein khat ke badle vo
lahu-luhaan taDapti zabaan rakh degaa