miri ghazal mein kisi bevafaa kaa zikr na thaa — Rajesh Reddy

kiyaa ijaad jis ne bhi khudaa ko
vo khud ko kaise bahlaataa thaa pahle

saath 'ghaalib' ke gai fikr ki gahraai bhi
aur lahja bhi gayaa 'mir-taqi-mir' ke saath

sab log is se pahle ki devtaa samajhte
ham ne zaraa saa khud ko insaan kar liyaa hai

kyaa jaane kis jahaan mein milegaa hamein sukun
naaraaz hain zamin se khafaa aasmaan se ham

justuju kaa ik ajab silsila taa-umr rahaa
khud ko khonaa thaa kahin aur kahin DhunDhnaa thaa

kaun paDhtaa hai yahaan khol ke ab dil ki kitaab
ab to chehre ko hi akhbaar kiyaa jaanaa hai

ek parda saa hai fareb-e-nazar
ye bhi uTThe to dekhnaa kyaa hai

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

kuchh to majburiyaan rahi hongi
yuun koi bevafaa nahin hotaa

yaar main itnaa bhukaa huun
dhokaa bhi khaa letaa huun

is qadar musalsal thiin shiddatein judaai ki
aaj pahli baar us se main ne bevafaai ki

fareb-e-qurb-e-yaar ho ki hasrat-e-supurdagi
kisi sabab se dil mujhe ye be-qaraar chaahiye