dil qanaaat zaraa si kartaa to — Rana Amir Liyaqat

gale lagaa ke mujhe puchh masala kyaa hai
main Dar rahaa huun tujhe haal-e-dil sunaane se

zindagi dekh tiri khaas riaayat hogi
ik mohabbat hai mire paas agar karne de

hazaar raste tire hijr ke ilaaj ke hain
ham ahl-e-ishq zaraa mukhtalif mizaaj ke hain

nukta yahi azal se paDhaayaa gayaa hamein
havvaa baraae-husn hai aadam baraae-ishq

iinT se iinT joD kar, khvaab banaa rahaa huun main
rakhne na Daal mere yaar' khvaab ki dekh-bhaal mein

agarche roz miraa sabr aazmaataa hai
magar ye dariyaa mujhe tairnaa sikhaataa hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

miTTi ki mohabbat mein ham aashufta-saron ne
vo qarz utaare hain ki vaajib bhi nahin the

tum apne 'ishq se qimat baDhaa do
hamaaraa bhaav sastaa chal rahaa hai

dil saraapaa dard thaa vo ibtidaa-e-ishq thi
intihaa ye hai ki 'faani' dard ab dil ho gayaa

jiine bhi nahin dete marne bhi nahin dete
kyaa tum ne mohabbat ki har rasm uThaa Daali