dekhiyegaa sambhal kar aaina — Riyaz Khairabadi

ghurur bhi jo karun main to aajizi ho jaae
khudi mein lutf vo aae ki be-khudi ho jaae

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi

khudaa ke haath hai biknaa na biknaa mai kaa ai saaqi
baraabar masjid-e-jaame ke ham ne ab dukaan rakh di

baDe paak tinat baDe saaf baatin
'riyaaz' aap ko kuchh hamin jaante hain

ye sar-ba-mohr botalein hain jo sharaab ki
raatein hain un mein band hamaari shabaab ki

vo joban bahut sar uThaae hue hain
bahut tang band-e-qabaa hai kisi kaa