kaun aaegaa bhuul kar rasta — Sada Ambalvi

zikr meraa aaegaa mahfil mein jab jab dosto
ro paDeinge yaad kar ke yaar sab yaari miri

vaqt har zakhm kaa marham to nahin ban saktaa
dard kuchh hote hain taa-umr rulaane vaale

bujh gai shama ki lau tere dupaTTe se to kyaa
apni muskaan se mahfil ko munavvar kar de

apni urdu to mohabbat ki zabaan thi pyaare
uff siyaasat ne use joD diyaa mazhab se

kyuun sadaa pahne vo teraa hi pasandida libaas
kuchh to mausam ke mutaabiq bhi sanvarnaa hai use

kitnaa sochaa thaa dil lagaaeinge
sochte sochte hayaat hui

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

sunaa hai ki dilli mein ullu ke paTThe
rag-e-gul se bulbul ke par baandhte hain

rakh ke munh so gae ham aatishin rukhsaaron par
dil ko thaa chain to niind aa gai angaaron par

samajh sako to samajh lo miri nigaahon se
ki dil ki baat zabaan se kahi nahin jaati