jaada-e-gham mein aarzu ke sivaa — Saeed Soharwardi

vo judaa mujh se ho gayaa lekin
daagh dil se judaa nahin hotaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

anjaane logon ko har su chaltaa phirtaa dekh rahaa huun
kaisi bhiiD hai phir bhi khud ko tanhaa tanhaa dekh rahaa huun

shafaq huun suraj huun raushni huun
salib-e-gham par ubhar rahaa huun

chaand ko tum aavaaz to de lo
ek musaafir tanhaa to hai