musalsal phailtaa hi jaa rahaa hai — Sagar Sarfaraz

muqaddar mein yahi likkhaa hai 'saagar'
andheraa aur ye aahon kaa jangal

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

ai sanam tu vo kanhayyaa hai balaaein luun agar
baansuli ki tarah naalaan hon saraapaa ungliyaan

kahaan milegi misaal meri sitamgari ki
ki main gulaabon ke zakhm kaanTon se si rahaa huun

gulaabon ke honTon pe lab rakh rahaa huun
use der tak sochnaa chaahtaa huun

gul kiyaa jis ne vo thaa aur magar
shama ne shikva havaaon se kiyaa

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai