jaane kyuun rang-e-baghaavat nahin chhupne paataa — Sahar Ansari

ajiib hote hain aadaab-e-rukhsat-e-mahfil
ki vo bhi uTh ke gayaa jis kaa ghar na thaa koi

tang aate bhi nahin kashmakash-e-dahr se log
kyaa tamaashaa hai ki marte bhi nahin zahr se log

mahfil-aaraai hamaari nahin ifraat kaa naam
koi ho yaa ki na ho aap to aae hue hain

ham ko jannat ki fazaa se bhi ziyaada hai aziiz
yahi be-rang si duniyaa yahi be-mehr se log

jise guzaar gae ham baDe hunar ke saath
vo zindagi thi hamaari hunar na thaa koi

ye marnaa jiinaa bhi shaayad majburi ki do lahrein hain
kuchh soch ke marnaa chaahaa thaa kuchh soch ke jiinaa chaahaa hai

main baDaa ho gayaa huun magar bachpanaa
mere dil se kabhi bhi gayaa hi nahin

vasl ki arz kaa jab vaqt kabhi paataa huun
jaa hain khaamoshi siin tab lab mire aapas mein mil

kyuun sharik-e-gham banaate ho kisi ko ai 'qatil'
apni suuli apne kaandhe par uThaao chup raho

main chup rahaa ki vazaahat se baat baDh jaati
hazaar sheva-e-husn-e-bayaan ke hote hue

haq achchhaa par us ke liye koi aur mare to aur achchhaa
tum bhi koi mansur ho jo suuli pe chaDho khaamosh raho

vo sard raaton mein aansuon ke charaagh raushan
aur un charaaghon ki lau mein jalti 'ajib si chup