milti hai zindagi mein mohabbat kabhi kabhi — Sahir Ludhianvi

ham jurm-e-mohabbat ki sazaa paaeinge tanhaa
jo tujh se hui ho vo khataa saath liye jaa

ham amn chaahte hain magar zulm ke khilaaf
gar jang laazmi hai to phir jang hi sahi

hazaar barq gire laakh aandhiyaan uTThein
vo phuul khil ke raheinge jo khilne vaale hain

kaun rotaa hai kisi aur ki khaatir ai dost
sab ko apni hi kisi baat pe ronaa aayaa

har-chand miri quvvat-e-guftaar hai mahbus
khaamosh magar tab-e-khud-aaraa nahin hoti

le de ke apne paas faqat ik nazar to hai
kyuun dekhein zindagi ko kisi ki nazar se ham

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

bahan kaa pyaar judaai se kam nahin hotaa
agar vo duur bhi jaae to gham nahin hotaa

zindagi pyaar bhari main ne yaqinan ji hai
aap piite hain to lagtaa hai ki main ne pi hai

ishq ki har daastaan mein ek hi nukta milaa
ishq kaa maazi huaa kartaa hai mustaqbil nahin