zulfein idhar khulin adhar aansu umanD paDe — Sajjad Baqar Rizvi

TuuT paDti thiin ghaTaaein jin ki aankhein dekh kar
vo bhari barsaat mein tarse hain paani ke liye

pahle chaadar ki havas mein paanv phailaae bahut
ab ye dukh hai paanv kyuun chaadar se baahar aa gayaa

shahr ke aabaad sannaaTon ki vahshat dekh kar
dil ko jaane kyaa huaa main shaam se ghar aa gayaa

hamaare dam se hai raushan dayaar-e-fikr-o-sukhan
hamaare baad ye galiyaan dhuaan dhuaan hongi

man dhan sab qurbaan kiyaa ab sar kaa saudaa baaqi hai
ham to bike the aune-paune pyaar ki qimat kam na hui

tere shaidaa bhi hue ishq-e-tamaashaa bhi hue
tere divaane tire shahr mein rusvaa bhi hue

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn tanhaa nahin haqdaar vafaa kaa 'mohsin'
ishq ne bhi kaf-e-afsos male hain barson

manzil na mili to gham nahin hai
apne ko to kho ke paa gayaa huun