aavaazon se jism huaa nam — Salahuddin Mahmood

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

main ne dekhi hai amir-e-shahr ki vo muflisi
daulat-e-duniyaa thi lekin gham kaa sarmaaya na thaa

log phirte hain bhare shahr ki tanhaai mein
sard jismon ki salibon pe uThaa kar chehre

hichkiyaan raat dard tanhaai
aa bhi jaao tasalliyaan de do