ham aadmi ki tarah ji rahe hain sadiyon se — Saleem Siddiqui

miTTi ki fazilat pe bahut she'r kahe hain
sone se likhaa jaaegaa divaan hamaaraa

aankhein taDap rahi hain miri kuchh khayaal kar
band-e-qabaa ko khol badan ko bahaal kar

kaun sukhe hue phulon ki taraf dekhtaa hai
zakhm thoDe se hare hon to numaaish karein ham

huun paarsaa tire pahlu mein shab guzaar ke bhi
main be-libaas nahin pairahan utaar ke bhi

ham ko uDne ke tariqe na sikhaao ham log
peD se aae hain pinjre se nahin aae hain

umr bhar jis ke liye peT se baandhe patthar
ab vo gin gin ke khilaataa hai nivaale mujh ko

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

kahte hue saaqi se hayaa aati hai varna
hai yuun ki mujhe durd-e-tah-e-jaam bahut hai

chashm pur-nam zulf aashufta nigaahein be-qaraar
is pashimaani ke sadqe main pashimaan ho gayaa

daastaan-e-gham-e-dil un ko sunaai na gai
baat bigDi thi kuchh aisi ki banaai na gai