phaaD kar khat us ne qaasid se kahaa — Sardar Ganda Singh Mashriqi

piite hain jo sharaab masjid mein
aise logon ko paarsaa kahiye

chaahne vaalon ko chaahaa chaahiye
jo na chaahe phir use kyaa chaahiye

go ham sharaab piite hamesha hain de ke naqd
lekin mazaa kuchh aur hi paayaa udhaar mein

Daraaegi hamein kyaa hijr ki andheri raat
ki shama baiThe hain pahle hi ham bujhaae hue

zaahid miri samajh mein to donon gunaah hain
tu but-shikan huaa jo main tauba-shikan huaa

kholaa darvaaza samajh kar mujh ko ghair
khaa gae dhokaa miri aavaaz se