piite hain jo sharaab masjid mein — Sardar Ganda Singh Mashriqi

ai shaikh apnaa jubba-e-aqdas sambhaaliye
mast aa rahe hain chaak garebaan kiye hue

maza dekhaa kisi ko ai pari-ru munh lagaane kaa
ab aaina bhi kahtaa hai ki main madd-e-muqaabil huun

phaaD kar khat us ne qaasid se kahaa
koi paighaam-e-zabaani aur hai

shaikh chal tu sharaab-khaane mein
main tujhe aadmi banaa dungaa

tum jaao raqibon kaa karo koi mudaavaa
ham aap bhugat leinge ki jo ham pe bani hai

aage mere na tikhi maar ai shaikh
raat kaa maajraa sunaa dungaa

na tum hosh mein ho na ham hosh mein hain
chalo mai-kade mein vahin baat hogi

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

sau fasaad ek ishq mein uTThe
boyaa ik tukhm uge hazaar darakht

mujh tak kab un ki bazm mein aataa thaa daur-e-jaam
saaqi ne kuchh milaa na diyaa ho sharaab mein

aae kuchh abr kuchh sharaab aae
is ke baa'd aae jo azaab aae

khudaa ke haath hai biknaa na biknaa mai kaa ai saaqi
baraabar masjid-e-jaame ke ham ne ab dukaan rakh di