kholaa darvaaza samajh kar mujh ko ghair — Sardar Ganda Singh Mashriqi

ai shaikh apnaa jubba-e-aqdas sambhaaliye
mast aa rahe hain chaak garebaan kiye hue

maza dekhaa kisi ko ai pari-ru munh lagaane kaa
ab aaina bhi kahtaa hai ki main madd-e-muqaabil huun

phaaD kar khat us ne qaasid se kahaa
koi paighaam-e-zabaani aur hai

shaikh chal tu sharaab-khaane mein
main tujhe aadmi banaa dungaa

tum jaao raqibon kaa karo koi mudaavaa
ham aap bhugat leinge ki jo ham pe bani hai

aage mere na tikhi maar ai shaikh
raat kaa maajraa sunaa dungaa

balaa se kuchh ho ham 'ehsaan' apni khu na chhoDeinge
hamesha be-vafaaon se mileinge baa-vafaa ho kar

dikhaai detaa hai jo kuchh kahin vo khvaab na ho
jo sun rahi huun vo dhokaa na ho samaaat kaa

ik umr bhaTakte hue guzri hai junun mein
ab kaun fareb-e-nigah-e-yaar mein aae

yuun uThe ik din ki logon ko huaa
abr kaa dhokaa hamaari khaak par

tumhaari rah kaa rahaa ham ko har taraf dhokaa
chale jidhar ko so be-ikhtiyaar ho ke chale

bhaTak ke raah se ham sab ko aazmaa aae
fareb de gae jitne bhi rahnumaa aae