main tire husn kaa khalvat mein tamaashaai huun — Shabab

khatt-e-peshaani mein saffaak azal ke din se
teri talvaar se likkhi hai shahaadat meri

hui muddat ki main ne but-parasti chhoD di zaahid
magar ab tak gale mein dekh le zunnaar baaqi hai

naaz kar naaz tire naaz pe hai naaz mujhe
meri tanhaai hai partav tiri yaktaai kaa

mohabbat karne vaale dard mein tanhaa nahin hote
jo ruThoge kabhi mujh se to apnaa dil dukhaaoge

yaar tanhaa ghar mein hai afsos lekin ham nahin
huur to hai gulshan-e-firdaus mein aadam nahin

nazar aataa nahin ab ghar mein vo bhi uf re tanhaai
ik aaine mein pahle aadmi thaa meri surat kaa

ek lamhe ke liye tanhaa nahin hone diyaa
khud ko apne saath rakkhaa jis jahaan ki sair ki

mujhe ai rahnumaa ab chhoD tanhaa
main khud ko aazmaanaa chaahtaa huun