kyaa asar thaa jazba-e-khaamosh mein — Shakeel Badayuni

meraa azm itnaa buland hai ki paraae sholon kaa Dar nahin
mujhe khauf aatish-e-gul se hai ye kahin chaman ko jalaa na de

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

kaafi hai mire dil ki tasalli ko yahi baat
aap aa na sake aap kaa paighaam to aayaa

kal raat zindagi se mulaaqaat ho gai
lab thartharaa rahe the magar baat ho gai

lamhe udaas udaas fazaaein ghuTi ghuTi
duniyaa agar yahi hai to duniyaa se bach ke chal

shaguftagi-e-dil-e-kaarvaan ko kyaa samjhe
vo ik nigaah jo uljhi hui bahaar mein hai

har ek baat ko chup-chaap kyuun sunaa jaae
kabhi to hausla kar ke nahin kahaa jaae

ghurur-e-husn na kar jazba-e-zulekhaa dekh
kiyaa hai ishq ne yusuf ghulaam aashiq kaa

tu mohabbat se koi chaal to chal
haar jaane kaa hausla hai mujhe

nisyah-o-naqd-e-do-aalam ki haqiqat maalum
le liyaa mujh se miri himmat-e-aali ne mujhe

khush hote hain ham log agar koi hasina
is umr ham par koi tohmat hi lagaae

hamaari baat kaaTi jaa rahi hai
kisi kaa hausla baDhtaa rahaa hai