fazaa mein uDte parinde ki khair ho yaarab — Shams Ramzi

Dubtaa huaa suraj de gayaa sazaa aisi
kho gai andheron mein raushni ki khush-fahmi

be-zabaan bhi to bataa detaa hai manzil kaa pataa
tai karaataa hai safar miil kaa patthar khaamosh

gham hai na ab khushi hai na ummid hai na yaas
sab se najaat paae zamaane guzar gae

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

maarka garm to ho lene do khun-rezi kaa
pahle shamshir ke niche hamin jaa baiTheinge