pakDaa huun kinaara-e-judaai — Siraj Aurangabadi

dekhaa hai jis ne yaar ke rukhsaar ki taraf
hargiz na jaave sair kuun gulzaar ki taraf

boltaa huun jo vo bulaataa hai
tan ke pinjre mein us kaa totaa huun

vaqt hai ab namaaz-e-maghrib kaa
chaand rukh lab shafaq hai gesu shaam

tahqiq ki nazar siin aakhir kuun ham ne dekhaa
akasr hain maal vaale kam hain kamaal vaale

masjid vahshat mein paDhtaa hai taraavih-e-junun
mushaf husn-e-pari-rukhsaar jis kuun yaad hai

vo ajab ghaDi thi main jis ghaDi liyaa dars nuskha-e-ishq kaa
ki kitaab aql ki taaq par juun dhari thi tyuun hi dhari rahi

vaqt-e-rukhsat nishaani jo talab ki to kahaa
daagh kaafi hai judaai kaa agar yaad rahe

apne manzar se alag hotaa nahin hai koi rang
apni aankhon ke sivaa baad-e-bahaari aur kyaa

daaman pe loTne lage gir gir ke tifl-e-ashk
roe firaaq mein to dil apnaa bahal gayaa

maut aa jaae vabaa mein ye alag baat magar
ham tire hijr mein naagha to nahin kar sakte

Tuk khabar le ki har ghaDi ham ko
ab judaai bahut sataati hai

tai ho chuki hai us se judaai magar 'munir'
tu us ke saath lamha-e-inkaar tak to chal