hamaari miTTi se kyaa banegaa — Subhan Asad

main jaantaa huun tiri ruuh ki talab jaanaan
tujhe badan ki taraf se nahin chuungaa main

main ek Thahraa huaa pul tu bahtaa dariyaa hai
tujhe milungaa to phir TuuT kar milungaa main

ye ham jo but ho ke dekhte hain
yahi tumhaari adaa banegaa

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi