main kis liye tujhe ilzaam-e-bevafaai duun — Tab Aslam

ghazab to ye hai muqaabil khaDaa hai vo mere
ki jis se meraa ta'alluq hai khuun ke rishte kaa

kuchh to majburiyaan rahi hongi
yuun koi bevafaa nahin hotaa

ek parda saa hai fareb-e-nazar
ye bhi uTThe to dekhnaa kyaa hai

is qadar musalsal thiin shiddatein judaai ki
aaj pahli baar us se main ne bevafaai ki

yaar main itnaa bhukaa huun
dhokaa bhi khaa letaa huun

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

khud-farebi si khud-farebi hai
paas ke Dhol bhi suhaane lage