khud-farebi si khud-farebi hai — Baqi Siddiqui

is badalte hue zamaane mein
tere qisse bhi kuchh puraane lage

kuchh na paa kar bhi mutmain hain ham
ishq mein haath kyaa khazaane lage

yahi rasta hai ab yahi manzil
ab yahin dil kisi bahaane lage

rang-e-dil rang-e-nazar yaad aayaa
tere jalvon kaa asar yaad aayaa

ek hansti hui badli dekhi
ek jaltaa huaa ghar yaad aayaa

dosti khun-e-jigar chaahti hai
kaam mushkil hai to rasta dekho

fareb-e-maah-o-anjum se nikal jaaein to achchhaa hai
zaraa suraj ne karvaT li ye taare Duub jaaeinge

ham to tamaam umr tiri hi adaa rahe
ye kyaa huaa ki phir bhi hamin bevafaa rahe

pyaar ki khud-farebiyaan tauba
miTte miTte bhi aas rahti hai

khud-farebi rahe to achchhaa hai
khud-shanaasi tabaah kar degi

phir kisi bevafaa ki yaad aai
phir kisi ne liyaa vafaa kaa naam

ghair se kiyaa gila kare koi
jab ki apne hi bevafaa ho jaaein