TuuTi hai ye kashti to mire saath safar ko — Tanveer Anjum

is khubi-e-qismat pe mujhe naaz bahut hai
vo shakhs miri jaan kaa talabgaar huaa hai

shahron ke saare jangal gunjaan ho gae hain
phir log mere andar sunsaan ho gae hain

duur tak ye raaste khaamosh hain
duur tak ham khud ko sunte jaaeinge

dukhon ke ruup bahut aur sukhon ke khvaab bahut
tiraa karam hai bahut par mire azaab bahut

fareb-e-qurb-e-yaar ho ki hasrat-e-supurdagi
kisi sabab se dil mujhe ye be-qaraar chaahiye

lamha-e-imkaan ko pahlu badalte dekhnaa
aatish-e-be-rang mein khud ko pighalte dekhnaa

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

jab ki pahlu se yaar uThtaa hai
dard be-ikhtiyaar uThtaa hai

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

yaad aai hai to phir TuuT ke yaad aai hai
koi guzri hui manzil koi bhuli hui dost

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh