ye jaan lo ki haath uThaane ki der hai — Unknown

log kaanTon se bach ke chalte hain
main ne phulon se zakhm khaae hain

dil TuTne se thoDi si taklif to hui
lekin tamaam umr ko aaraam ho gayaa

duniyaa mein vahi shakhs hai taazim ke qaabil
jis shakhs ne haalaat kaa rukh moD diyaa ho

miri namaaz-e-janaaza paDhi hai ghairon ne
mare the jin ke liye vo rahe vazu karte

ye hamin hain ki tiraa dard chhupaa kar dil mein
kaam duniyaa ke ba-dastur kiye jaate hain

jin ke kirdaar se aati ho sadaaqat ki mahak
un ki tadris se patthar bhi pighal sakte hain

dukh na sahne ki sazaaon mein ghiraa rahtaa hai
shahr kaa shahr duaaon mein ghiraa rahtaa hai

baDhe kuchh aur kisi iltijaa se kam na hue
mire harif tumhaari duaa se kam na hue

main jo kahtaa huun mujh se duur raho
ye nasihat hai iltimaas nahin

harif-e-matlab-e-mushkil nahin fusun-e-niyaaz
duaa qubul ho yaa rab ki umr-e-khizr daraaz!

main kisi ke dast-e-talab mein huun to kisi ke harf-e-duaa mein huun
main nasib huun kisi aur kaa mujhe maangtaa koi aur hai

maraz-e-ishq jise ho use kyaa yaad rahe
na davaa yaad rahe aur na duaa yaad rahe