baDhe kuchh aur kisi iltijaa se kam na hue — Zafar Moradabadi

yunhi kisi ki koi bandagi nahin kartaa
buton ke chehron pe tevar khudaa ke rakkhe the

khush-gumaan har aasraa be-aasraa saabit huaa
zindagi tujh se ta'alluq khokhlaa saabit huaa

miri ummid kaa suraj ki teri aas kaa chaand
diye tamaam hi rukh par havaa ke rakkhe the

kaarvaan se jo bhi bichhDaa gard-e-sahraa ho gayaa
TuuT kar patte kab apni shaakh par vaapas hue

kyaa khabar kis moD par bikhre mataa-e-ehtiyaat
pattharon ke shahr mein huun aaina oDhe hue

tamaam phuul mahakne lage hain khil khil kar
chaman mein shokhi-e-baad-e-sabaa ko chhute hi

mujhe zindagi ki duaa dene vaale
hansi aa rahi hai tiri saadgi par

uThaa ke haath duaa maangne lage hain charaagh
to kar rahi hai bhalaa kaisi rahnumaai sabaa

marne ke liye aae the ham dasht-e-balaa mein
jiine ki du'aa de gayaa darvesh hamein kyon

kisi ko koste kyuun ho duaa apne liye maango
tumhaaraa faaeda kyaa hai jo dushman kaa zarar hogaa

zabaan pe shikva-e-be-mehri-e-khudaa kyuun hai?
duaa to maangiye 'aatish' kabhi duaa ki tarah

chand peDon ko hi majnun ki duaa hoti hai
sab darakhton pe to patthar nahin aayaa kartaa